Doorie

Taras gai hai aakhen meri..teri aakhon se ek mulakat ko..
Zamane ke liye honge chand din .. lagti hai sadiyan mujhko.

Samundar ke kinaare

Samundar ke kinaare 
Baith ke lagta h aj
Chupae h isne kitne raaz
Kisike aasu, kisi ka pyar
Kisika izhar, kisi ka inkar

Pani ka rang

Rang badalta rehta hai ye pani
Tere mere mizaaj ki tarah
Kabhi hasta 
Kabhi shant sochta hua
Kabhi hai dikhta itna khubsurat bas nazar hatae nahi hat ti
Kabhi badalo se ek hone ko bekarar lehron se bhara
Jab badal baras jae to sharmake ho jae laal
Ek pal lage hai kahi door
Ek kadam kya badhaya maine
Baahon me gher lia usne

Rang badalta rehta hai ye pani
Tere mere mizaaj ki tarah
Bichad ke chale jau
Rehta hai wahi kehte hue
Jao leke meri yaadein
Aoge wapas kabhi to
Milunga yahi.. usi rang me.. jo tumhara hoga..